بہارِ اُردو: مہاراشٹر اُردو ساہتیہ اکیڈمی کا 50 سالہ جشن

8Oct, 2025

بہارِ اُردو: مہاراشٹر اُردو ساہتیہ اکیڈمی کا 50 سالہ جشن

، کیونکہ مہاراشٹر اُردو ساہتیہ اکیڈمی اپنی گولڈن جوبلی کا شاندار جشن “بہارِ اُردو” کے طور پر منانے جا رہی ہے۔ یہ تین روزہ ثقافتی میلہ، جو مہاراشٹر کے محکمۂ اقلیتی امور کے زیر اہتمام ہے، 6، 7 اور 8 اکتوبر 2025 کو وُرلی کے مشہور ڈوم ایس وی پی اسٹیڈیم میں منعقد ہورہا ہے۔

لفظ، سُر اور ورثے کا تہوار

یہ تقریب اُردو زبان کی لازوال خوبصورتی کا حسین امتزاج ہوگی۔ اس تقریب میں فکر انگیز سمینارز، پینل ڈسکشنز اور داستان گوئی کے سیشنز سے لے کر غزل، قوالی اور صوفی موسیقی کی روح پرور محفلیں شامل ہوں گی۔ علاوہ ازیں نمائشی اسٹال اُردو کے ادبی و فنّی سفر کی جھلکیاں پیش کریں گے اور اس ثقافتی منظرنامے کو مزید خوش رنگ بنائیں گے۔

“بہار اردو” کا ہر دن اپنی خاص پہچان کا حامل ہوگا۔

پہلا دن (6 اکتوبر) کا آغاز نمائش اور افتتاحی تقریب سے ہوگا۔ اس کے بعد قومی یک جہتی گیت، اُردو تھیٹریکل ڈرامہ اور مشہور شعراء کا مشاعرہ ہوگا۔ شام کے وقت ہاسیہ کوی (مزاحیہ شاعر) سریندر شرما اپنی ظرافت سے محفل کو لطف اندوز کریں گے۔ اسی طرح “فلموں میں اردو” کے عنوان سے ایک پینل ڈسکشن ہوگا جس میں رومی جعفری، سچن پلگاؤنکر اور دیگر اہم نام شریک ہوں گے۔ پینل ڈسکشن کے بعد رومی جعفری معروف فلم و نغمہ نگار جاوید اختر کے ساتھ سوال و جواب کے سیشن کا حصہ بنیں گے۔ بہار اردو کے پہلے دن کی میزبانی شیکھر سُمن اور علی اصغر کریں گے۔ دن کا اختتام صوفی/قوالی نائٹ سے ہوگا، جس میں معروف صابری برادران اپنے فن کا مظاہرہ کریں گے۔ پہلے روز کی ایک تقریب اردو اکیڈمی کے “مرزا غالب لائف ٹائم اچیومنٹ ایوارڈ” اور “ولی دکنی ایوارڈ” اردو زبان و ادب کی منتخب شخصیات کی عزت افزائی ہوگی۔

اسی طرح دوسرے دن (7 اکتوبر) کو نوجوان شعراء کا مشاعرہ، اُردو زبان و ادب پر علمی سمینار، ایک فیشن شو اور داستان گوئی کی تقریبات منعقد ہوں گی۔ اس روز جہلم سنگھ صوفی سنگیت میں اپنے فن کا مظاہرہ کریں گی۔ اس روز 156 ایوارڈز مختلف زمروں میں تقسیم کیے جائیں گے۔ اس دن کی میزبانی پریا ملک اور امتیاز خلیل کریں گے۔

تیسرا دن (8 اکتوبر) موسیقی اور شاعری کے نام ہوگا۔ اس میں مشاعرے، تھیٹریکل ڈرامے اور شباب صابری کی قوالی شامل ہوگی۔ اس دن کی میزبانی شیکھر سُمن کریں گے اور اس دن کا اختتام پدم شری انوپ جلوٹا کی دل نشیں غزلوں سے ہوگا۔

ایک زندہ روایت

اُردو صرف ایک زبان نہیں بلکہ تہذیبوں، جذبات اور مشترکہ ورثے کا پُل ہے۔ پچاس برسوں سے مہاراشٹر اُردو ساہتیہ اکیڈمی نے اس ورثے کو پروان چڑھایا ہے اور شعراء، ادیبوں، فنکاروں اور تخلیق کاروں کو آگے بڑھنے کا موقع دیا ہے۔ بہارِ اُردو محض ماضی کا جشن نہیں بلکہ مستقبل کا عہد ہے۔ یہ اکیڈمی کی اس وابستگی کا اعلان ہے کہ اُردو زبان کی خوبصورتی آنے والی نسلوں تک قائم و دائم رہے گی۔

پروگرام کی تفصیلات

تواریخ: 6، 7 اور 8 اکتوبر 2025

وقت: 6 اور 8 اکتوبر دوپہر 3:00 بجے سے رات 10:00 بجے تک

8 اکتوبر دوپہر 2:00 بجے سے رات 9:00 بجے تک

مقام: ڈوم ایس وی پی اسٹیڈیم، لالہ لاجپت رائے مارگ، ورلی، ممبئی

بہارِ اُردو – مہاراشٹر اُردو ساہتیہ اکیڈمی کے 50 سال

پہلا دن – 6 اکتوبر 2025

میزبان: شیکھر سُمن اور علی اصغر

مرزا غالب لائف ٹائم اچیومنٹ ایوارڈ اور ولی دکنی ایوارڈ کی تقسیم

اوپن مائیک (نوجوان شعراء): اشتیاق اثر، عبدالصمد صفی، عابد اسیر، ریاض متناوی، الیاس غازی، سید شاکر، شاداب حسین، افروز عالم، عارف انعامدار، امجد، افسر، تابش اختر، ساجد اختر

افتتاحی پیشکش (قومی یکجہتی گیت): فرخندہ، کوہِ نور میوزک اکیڈمی

اُردو تھیٹریکل ڈرامہ: مجیب خان (عشق جلے تو جلے ایسا)، ساحر لدھیانوی

مشاعرہ (مشہور شعراء): راجیش ریڈی، عبید اعظم اعظمی، شکیل اعظمی، محشر افریدی، قمر صدیقی، شکھا اودھیش

سوال و جواب: رومی جعفری اور جاوید اختر

پینل ڈسکشن – فلموں میں اُردو: سچن پلگاؤنکر، رومی جعفری، سید قادری،

نظامت شیکھر سُمن

ہاسیہ کوی: سریندر شرما

صوفی/قوالی نائٹ: صابری برادرس

دوسرا دن – 7 اکتوبر 2025

میزبان: پریہ ملک اور امتیاز خلیل

مشاعرہ (نوجوان شعراء): قیام شاہ، احد سعید، زین لکھیم پوری، ریاض متناوی، افروز عالم، سید شاکر و دیگر

اُردو زبان پر سمینار: ڈاکٹر عبداللہ